#49 南瓜小鎮18年匿名信懸案 Circleville Letters Case

<p>有一種恐怖，係打開自己個信箱。</p><p>1970年代，美國南瓜小鎮 Circleville 掀起一場長達 18 年嘅匿名信風暴。信入面冇勒索，只有對收信人最私密嘅監視。呢啲全大楷嘅信件，最終搞出人命，甚至有人為此坐足十年監。</p><p>但最心寒嘅係：當疑犯被單獨囚禁、完全與世隔絕嘅時候，小鎮嘅信箱，竟然繼續收到信。</p><p>寫信嗰個人，究竟係咪一直企喺你背後？</p><p>《未完的案件》，今集為你拆解。</p><p><br /></p><p>人物列表：</p><ul><li><p><strong>Mary Gillespie </strong>-黃色校巴司機。原本過住平靜嘅家庭主婦生活，直到收到第一封全大楷嘅匿名信，成為成場恐嚇風暴嘅核心目標。</p></li><li><p><strong>Ron Gillespie </strong>-Mary 嘅老公。眼見老婆同屋企人不斷被匿名信騷擾，忍無可忍之下，決定親自去搵個神秘寫信人「解決件事」。</p></li><li><p><strong>Gordon Massie </strong>-Westfall 學區總監，即係 Mary 上司嘅上司。被匿名信一口咬定，同已婚嘅 Mary 有一段不可告人嘅秘密關係。</p></li><li><p><strong>Paul Freshour </strong>-大型啤酒廠經理，Mary 嘅妹夫（即 Ron 嘅姻親）。喺親友眼中係一個溫和、可靠、無任何案底嘅好好先生。</p></li><li><p><strong>Karen Sue Freshour </strong>-Paul 嘅太太。正同老公打緊一場極其激烈嘅離婚官司，雙方為爭撫養權關係跌到冰點，後來向警方爆出驚人消息。</p></li><li><p><strong>Beverley East </strong>-資深法證文件檢驗專家。多年後受電視台委託，用現代鑑證技術重新拆解案中過百封匿名信嘅筆跡。</p></li></ul>