#52 整形醫生大西洋上空棄屍案 The Murder of Gail Katz

<p>無兇器、無血跡，甚至連屍體都搵唔返——1985年曼克頓，前途無量嘅外科醫生老婆人間蒸發。一本被塗改嘅飛行日誌、一趟飛往大西洋嘅神秘航程，同埋三十五年後監獄入面令人心寒嘅自白。到底佢點樣喺兩萬呎高空，抹走一個人嘅痕跡？</p><p><br /></p><p><b>人物列表：</b></p><ul><li>Robert Bierenbaum (Bob) -紐約著名醫院外科住院醫生，熱愛飛行並擁有私人飛行員執照。喺外人眼中前途一片光明，但喺親密關係入面控制慾極強。</li><li>Gail Katz Bierenbaum -Bob嘅太太，長島大學臨床心理學博士生。性格情感豐富、渴望獨立，喺失蹤前正努力為自己嘅人生做重大規劃。</li><li>Alayne Katz -Gail嘅妹妹。由事發第一日開始就堅決拒絕接受「姐姐自願失蹤」嘅說法，多年嚟為追查真相四處奔走。</li><li>Roberta Karnofsky -Gail 失蹤後與 Bob 交往嘅女士。喺相處期間意外留意到對方一啲反常舉動，仲喺屋企無意中翻睇到關鍵私人物品。</li><li>Stephanie -Bob 搬去拉斯維加斯生活期間嘅前女友。同居期間曾親身體驗過對方的極端情緒轉變。</li><li>Andy Rosenzweig -曼克頓檢察官辦公室冷案組首席調查員。多年後帶領團隊重新梳理案情，從封塵嘅檔案入面尋找突破口。</li><li>Daniel Bibb -負責本案嘅曼克頓首席檢察官。喺法庭上以極嚴密嘅邏輯架構，串聯起多條獨立線索展開控訴。</li><li>Leslie Crocker Snyder -本案紐約州最高法院嘅主審法官。</li></ul>