Sech fir en Job am INLL mellen (B1)

<p>Wëllkomm zréck an der Poterkëscht!</p><p>Haut héiere mir, wéi eng Persoun sech fir eng Aarbecht am INLL informéiert.</p><p>Vill Spaass beim Nolauschteren!</p><p>-</p><p>Transkript:</p><p>Sech fir en Job am INLL mellen </p><p>A: Hallo, so du schaffs jo am INLL, gell?  </p><p>B: Salut! Jo, genee, ech schaffe schonn zënter 6 Joer do. Firwat frees du? </p><p>A: Ech géif mech och gär do mellen, fir Däitsch z’enseignéieren. Ech weess awer net genee, wéi ech dat maache soll. </p><p>B: Hues du da scho gekuckt, ob se een am däitschen Departement sichen? Den INLL sicht heiansdo Leit fir verschidde Plazen. Net nëmmen Enseignanten, mee och an der Administratioun. </p><p>A: Nee, ech hunn nach net gekuckt, well ech net weess wou ech dat fannen. Ech weess just, dass déi puer Leit, déi ech kennen an déi do schaffen, immens zefridde sinn. </p><p>B: Jo, et ass jo och eng interessant Plaz a se ass och ganz ofwiesslungsräich. Also d’Aarbechtsannoncë fënnt ee meeschtens op hirem Site, also op <a href="http://www.inll.lu/" target="_blank" rel="noreferrer noopener"><u>www.inll.lu</u></a>. Da muss du erofscrollen an da fënns de et ënner <em>Eis lescht Neiegkeeten </em>oder ganz ënne lénks, ënner der Rubrik<em> Jobs</em>. D’Plazen am Beräich Administratioun ginn awer och um Site <a href="http://www.govjobs.lu/" target="_blank" rel="noreferrer noopener"><u>www.govjobs.lu</u></a> ausgeschriwwen. </p><p>A: A, gutt ze wëssen! An do muss een online kandidéieren oder muss ech dat per Post schécken? </p><p>B: Nee, du schécks eng digital Kandidatur op candidatures (at) inll.lu. </p><p>A: Waart, ech notéiere mir dat.... Ok, a wat muss ech do alles matschécken? </p><p>B: Et ass eigentlech änlech, wéi fir all anere Beruff. Du muss e CV, e Motivatiounsbréif a Kopië vun dengen Diplomer schécken. </p><p>A: Brauch een och e Sproochendiplom? </p><p>B: Dat hänkt dovun of. Heiansdo gëss de gefrot, wéi gutt s du aner Sproochen, wéi déi, déi s du enseignéiere wëlls, beherrschs.  </p><p>A: A! Wéi eng Sprooche sinn da wichteg? </p><p>B: Déi wichtegst Sprooch ass Franséisch, déi muss du kënnen an déi aner Sprooche sinn natierlech e Plus.  </p><p>A: A wat ass da wann ech zum Beispill kee Lëtzebuergesch kann? </p><p>B: Dat ass normalerweis net esou schlëmm.  </p><p>A: Ok, ech verstinn. Mee ka jidderee Sproocheproff ginn? </p><p>B: Nee, natierlech net. Et brauch een normalerweis e Master an där Sprooch, déi een enseignéiere wëll an natierlech ass eng pädagogesch Ausbildung an Erfarung am Enseignement net vun Nodeel. </p><p>A: A, ok! Gëtt et dann och vill administrativ Plazen am INLL? </p><p>B: Jo, natierlech, ganz vill souguer. Et gëtt de Service des finances, de Bureau des cours, Bureau des examens, d’Ressource Humaines, de Service technique asw.  </p><p>A: O, wow, ech hat wierklech keng Anung. Ech hunn eng Frëndin, dat en Job an der RH sicht. Ass d&#39;Prozedur déi nämmlecht, wéi wann ee sech fir e Posten als Enseignant wëll mellen. </p><p>B: Dat muss een an der Deskriptioun, déi op <em>GovJobs</em> steet kucken. Normalerweis muss du e CV, e Motivatiounsbréif an Diplomer eraschécken. Ausser, dass de an der AdministratiounLëtzebuergesch, Franséisch an Däitsch schwätze muss.  </p><p>A: Ok a muss de CV op Franséisch geschriwwe ginn? </p><p>B: Dat hänkt rëm dovun of, fir wat fir eng Aarbecht du dech bewerbs. Ech weess mol, dass de Motivatiounsbréif op där Sprooch, déi s du enseignéiere wëlls, muss sinn. Fir e Beruff an der Administratioun, soll en op enger vun eisen dräi administrativen Sprooche sinn.  </p><p>A: Jo, dat kléngt logesch. A wat geschitt wann een op en Interview invitéiert gëtt? </p><p>B: Da soll ee gutt virbereet sinn. </p><p>A: Jo, vläicht kënne mir dat jo eng Kéier zesummen üben, falls ech fir en Entretien geruff ginn. </p><p>B: Ganz gär. Du kanns mir och eng Kéier däi CV an däi Motivatiounsbréif schécken, da kucken ech eng Kéier driwwer. </p><p>A: O, jo, dat wier mega fein! Merci fir deng Hëllef! </p><p>B: ‘t ass gär geschitt! </p><p> </p>