De berchrede fan it flakke lân: Jabik Veenbaas

Filosoof en publisist Jabik Veenbaas wiist yn syn essay nei 'De Ferljochting', it 18e-iuwske tiidrak dat sjoen wurdt as de kreamkeamer fan de moderne westerske kultuer. In kultuer dy't foarútgong en frijheid brocht, mar tagelyk ek problemen. Veenbaas is fan miening dat de oplossings foar dy problemen ek yn de Ferljochting te finen binne.