Feature: Teeb meem ntiav tsev nyob

Thoob teb chaws Australia no ces muaj xov xwm cej luam qhia tias tej neeg tab tom yoo cov pluas hno, tsis tshua muaj peev xwm them tej nqe ntau yam lossis yog tsis muaj peev xwm cia lawv tej me nyuam mus koom tej school excursions - tej no tsuas yog qee yam ntawm ntau yam uas cuam tshuam txog tej nqe ntiav tsev nyob ua kim tuaj ntxiv no xwb. Yog li ntawd ne puas tsim nyog teev kiag tus nqe ntiav tsev meej tseeb tias pub sau nqe ntiav npaum li cas xwb. Raws li lub koom haum Australia Institute tau muaj ib co kev teeb txheeb tshiab qhia ces pom tias muaj neeg Australia ntau tshaj ib nrab yeej xav kom tsoom fwv tsis txhob pub nce nqe ntiav tsev, pab tej neeg ntiav tsev nyob kom ntau tshaj qub ntxiv, tsim cai los tswj cov kev ntiav tsev thiab xyuas kom tsim tau tej vaj tse pheej yig thiab txaus rau zej tsoom nyob. Koj xav li cas?