Ep.1145 加拿大返工真係咁Chill？香港人「勞性」去到加拿大點算｜移民症候群 EP04

<p>加拿大返工真係咁Chill？香港人「勞性」去到加拿大點算｜移民症候群 EP04香港人返工習慣可能係：唔識都自己頂住先、老闆message見到就覆、做錯少少已經自責到瞓唔着，最好仲要早過deadline交貨。但去到加拿大返工，Winnie遇到嘅第一批 culture shock 竟然係——員工可以直接同老闆講「我唔識」，老闆反而會先問自己係咪解釋得唔夠清楚；收工覆個message，仲可能畀同事話你「做壞規矩」；甚至做得多、做得快，都未必等於你會得到更多認可。今集《移民症候群》，Sunny同Winnie由自己喺香港同加拿大返工嘅經歷出發，傾吓兩地職場文化有幾唔同：Work Hard 同 Work Smart 到底邊樣重要？好老闆對一個人嘅工作體驗可以差幾遠？做錯嘢係咪真係唔需要「切腹」？放工之後應唔應該完全唔理公司？如果同事做得少過你，但人工一樣，你接受到嗎？而最重要嘅係——工作做得幾好，係咪真係應該決定你呢個人有幾大價值？今集唔係要話加拿大一定好、香港一定差。相反，有啲加拿大職場文化真係令人舒服咗，有啲位亦慢到令人眼火爆。真正要適應嘅，可能係學識點樣設定 boundary，同埋重新決定：工作喺你人生入面應該佔幾多？你喺香港、加拿大或者其他地方返工，遇過最大嘅 workplace culture shock係咩？留言同我哋分享。#移民症候群 #加拿大職場 #香港人加拿大 #職場文化 #WorkLifeBalance加入ONT討論台 與主持展開激情對話：t.me/onenighttalk604linktr.ee/Onenighttalkwww.threads.net/@onenighttalk604</p>