غادة عبد العال: مُتّهِمَتُنا في الجنة، ومُتَّهِمَتُكُم في النار!

زمان، قبل ما نتحول كلنا إلى وكلاء نيابة وأطباء نفسيين وخبراء أدلة جنائية بنظام العمل من المنزل، كانت الجريمة واقعة لها متهم وضحية وتحقيق ومحاكمة. دلوقتي الجريمة بقت «وجهة نظر». نفس الفعل ممكن يبقى عندنا جريمة مكتملة الأركان لو المتهم من الفريق الخصم، ويبقى أزمة نفسية تستحق الاحتواء والعلاج لو المتهم من الفريق بتاعنا.