حلقتنا السادسة مع سارة عزيز عن البيت والعيلة

<p>في سادس حلقة من جلسة صحاب – الموسم الثاني، بنستضيف سارة عزيز في حلقة عن العيلة… وتأثيرها العميق على شخصياتنا، علاقاتنا، وطريقتنا في فهم نفسنا.</p><p>اتكلمنا عن يعني ايه “عيلة” فعلًا، وإزاي النشأة بتأثر على الطفل من أول سنين حياته، وإيه العلامات اللي ممكن تقول إن العيلة صحية وآمنة نفسيًا.</p><p>دخلنا كمان في فكرة الحدود بأنواعها المختلفة، وعلاقتها بلغات الحب الخمسة، وإزاي غياب الحدود أو عدم وضوح الأدوار والمسؤوليات داخل البيت ممكن يخلق مشاكل بنفضل شايلينها معانا لسنين.</p><p>واتناقشنا عن أهمية علاقة الأب والأم كأساس لاستقرار العيلة، وتأثير الدور اللي كل واحد فينا أخده وهو صغير على شخصيته وهو كبير، وفي الآخر حاولنا نفهم:</p><p>إزاي نبدأ نتخلص من أعباء الطفولة… من غير ما ننكرها أو نهرب منها.</p><p>حلقة دافئة وصريحة عن البيت، والعلاقات، والحاجات اللي بتشكّلنا أكتر ما بنتخيل</p>