#61 白禮頓雙重行李篋藏屍案 Brighton Trunk Murders [RAW版][🐣版]

<p><strong>[RAW版 -無音樂 -無音效 -最純粹人聲版本]</strong></p><p>火車站行李寄存處傳出陣陣異味，撬開個篋，竟然係一具冇頭無名嘅女屍；全城大搜查之際，警察敲開一間出租屋，床尾竟赫然放住「第二個」裝住屍體嘅大篋。</p><p>同一個海濱小鎮、兩個恐怖皮篋、兩段完全唔同嘅命運。一個兇手笑住走出法庭，另一具女屍至今身份成謎——當年夏天，究竟白禮頓收埋咗啲咩見唔得光嘅秘密？</p><p><br></p><p><strong>人物列表：</strong></p><ul><li>The Girl with the Pretty Feet -火車站篋案嘅第一位受害人，身份成謎，唯一線索係一對保養得極好嘅雙腳。</li><li>Violette Kaye -前倫敦舞台歌舞演員，後嚟搬到白禮頓生活，性情敏感，突然離奇人間蒸發。</li><li>Tony Mancini -海濱咖啡室嘅全職侍應，生得青靚白淨、口才了得，係 Violette 嘅同居小男友。</li><li>Chief Inspector Robert Donaldson -倫敦蘇格蘭場（Scotland Yard）空降落白禮頓嘅王牌探長，接手調查火車站皮篋案。</li><li>Sir Bernard Spilsbury -當時英國法醫界嘅「神級」權威專家，幾乎每句驗屍結論都可以主宰成個審訊走向。</li><li>Norman Birkett KC -號稱「法庭魔術師」嘅英國傳奇大律師，專攻喺滴水不漏嘅證據入面搵破綻。</li><li>Dr. Edward Massiah -白禮頓當地一間高級私人診所嘅名醫，背景極深，暗地裏捲入過唔少上流社會嘅傳聞。</li><li>Elizabeth Attrell -海濱咖啡室嘅 17 歲後生女侍應，案發前後無意中收過一份古怪嘅「禮物」。</li></ul>