E Kannerzëmmer ariichten (B1)

<p>Wëllkomm zréck an der Poterkëscht!</p><p>Haut héiere mir, wéi zwee Elteren iwwer d&#39;Kannerzëmmer vun hirem Puppelche schwätzen.</p><p>Vill Spaass beim Nolauschteren!</p><p>-</p><p>E Kannerzëmmer ariichten (B1)</p><p>Mamm: Ech freeë mech scho richteg op eise klenge Butz. </p><p>Papp: Jo, ech freeë mech och. Mee mir mussen endlech d&#39;Kannerzëmmer ariichten. </p><p>Mamm: Komm mir kucken eis Lëscht, déi mir gemaach hunn. Da vergiesse mir näischt. </p><p>Papp: Dat ass eng gutt Iddi. Wat brauche mir als éischt? </p><p>Mamm: Mir brauchen definitiv e Bett fir de Puppelchen. </p><p>Papp: Jo, an eng Matrass an e puer waasserfest Houssen, falls d’Pampers ausleeft. </p><p>Mamm: Effektiv! Mir brauchen och e Wéckeldësch. </p><p>Papp: Meng Schwëster huet nach e Wéckeldësch. Hatt sot, datt mir säi kënne kréien. Hatt an de Pit kréie jo keng Kanner méi. </p><p>Mamm: Dat ass super! Da musse mir keen neie kafen. Mir brauchen och nach onbedéngt sou eng speziell Poubelle fir d’Pamperssen, soss richt et net immens gutt am Zëmmer. </p><p>Papp: O, jo! Wéi ass et mam Bett? Solle mir en neit kafen? </p><p>Mamm: Mir ass et egal, et gëtt och gutt Second Hand Saachen. </p><p>Papp: Ech fanne Second Hand gutt, wann d&#39;Bett nach sécher an an engem gudden Zoustand ass. </p><p>Mamm: Ech och. Da spuere mir alt do. </p><p>Papp: Wat steet nach op eiser Lëscht? </p><p>Mamm: E Kleederschaf fir seng Kleeder. </p><p>Papp: An e klengt Regal fir Bicher a Spillsaachen. </p><p>Mamm: Jo, a vläicht och e gemittleche Stull. </p><p>Papp: E Stull fir hien oder fir eis?  </p><p>Mamm: (<em>laacht</em>) E Stull fir eis. Wann ech zum Beispill stëllen oder wa mer him eng Geschicht virliesen.  </p><p>Papp: Brauche mir och eng Luucht? </p><p>Mamm: Jo, eng kleng Nuetsluucht wier flott. Et gëtt speziell Luuchte fir Puppelcher, déi net ze vill liichten an de Bëbee beim schlofen net stéieren. </p><p>Papp: Jo, esou eng hunn ech schonn am Online-Shop gespäichert. So, e Babyphone däerfe mir och net vergiessen. </p><p>Mamm: Richteg.  </p><p>Papp: Wou solle mir d&#39;Bett histellen? </p><p>Mamm: Ech géif et nieft d&#39;Fënster stellen. </p><p>Papp: Ech weess net. Do kënnt vill Sonn eran. </p><p>Mamm: Dat stëmmt. Da stelle mir et léiwer un déi aner Mauer. </p><p>Papp: Dat ass eng besser Iddi. </p><p>Mamm: De Wéckeldësch kënnt niewent d&#39;Dier stoen. </p><p>Papp: Jo, do hu mir genuch Plaz. </p><p>Mamm: An de Kleederschaf kënnt an den Eck. </p><p>Papp: Perfekt. Da bleift nach vill Plaz an der Mëtt vum Zëmmer. <